روايات وقصص

يوم ما جوزي قرر يحتفل بعربيته الجديدة

من إمتى وهو بيصالحني؟

قعدت قدامه.

قال:

— بصي، أنا عارف إني اتعصبت عليكي امبارح، بس إنتِ كمان استفزتيني قدام أهلي.

ما رديتش.

كمل:

— المهم، أنا عندي خبر حلو ليكي.

قلبي دق بسرعة.

— خبر إيه؟

ابتسم وقال:

— الشركة هتدخلني في مشروع جديد، وهيكون لينا دخل إضافي كبير.

قلت:

— ما شاء الله، ربنا يوفقك.

مد إيده وجاب ملف من جنبه.

— بس محتاجين شوية توقيعات روتينية.

بصيت للملف.

— توقيعات إيه؟

— ورق خاص بالبنك، إجراءات عادية.

قلت بهدوء:

— طب هات أشوفه.

وشه اتغير لحظة.

— إنتِ هتفهمي في الورق ده إيه؟! أنا فاهم كل حاجة.

ابتسمت.

— معلش، بحب أقرأ قبل ما أمضي.

حط الملف قدامي وهو متضايق.

فتحت أول ورقة.

وبعد كام سطر، لقيت عبارة خلتني أتجمد.

“عقد كفالة تضامنية.”

رفعت عيني وبصيتله.

— إيه ده؟

رد بسرعة:

— ورق روتيني.

قلت:

— روتيني إزاي؟! ده مكتوب إني هبقى ضامنة في قرض!

ضحك بتوتر.

— أيوه، بس مجرد إجراء شكلي.

— قرض بكام؟

سكت.

كررت السؤال:

— بكام؟

قال وهو بيبعد عينه:

— مليون ونص.

حسيت إني اتخبطت على دماغي.

— مليون ونص جنيه؟! وعايزني أمضي ضامنة؟!

اتعصب فجأة.

— أيوه! وإيه المشكلة؟! أنا جوزك!

قلت:

— والمليون ونص دول هتعمل بيهم إيه؟

— مشروع.

— مشروع إيه؟

— إنتِ مالكيش دعوة بالتفاصيل!

قفلت الملف وحطيته على الترابيزة.

— مش همضي.

وقف من مكانه.

— نعم؟!

قلت بثبات:

— مش همضي على قرض أنا مش عارفة رايح فين، ولا ضامنة سداده إزاي.

قرب مني وهو بيزعق:

— إنتِ عايزة تضيعي مستقبلي؟!

بصيتله وقلت:

— مستقبلك إنت؟ ولا مستقبلك إنت وأمك؟

اتجمد مكانه.

وشه اتخطف.

— إنتِ تقصدي إيه؟

قلت:

— أقصد الشقة اللي اشتريتها وسجلتها باسم أمك.

فضل ساكت.

كملت:

— وأقصد العربية اللي اشتريتها من فلوسك، وأنا اللي كنت بصرف على البيت. وأقصد إنك ناوي تطلقني أول ما أضمنلك القرض.

لأول مرة، شفت الخوف الحقيقي في عينه.

— إنتِ عرفتي الكلام ده منين؟!

قلت:

— المهم إنه صح ولا لأ؟

صرخ:

— إنتِ فتشتي في حاجتي؟!

رديت:

— يعني مشكلتك إني عرفت، مش إنك كنت بتخطط تضحك عليا؟!

مسك الملف بعصبية.

— إنتِ مش فاهمة حاجة!

قلت:

— فهمني.

سكت.

قلت:

— قوللي إن الشقة مش باسم أمك.

ما ردش.

— قوللي إنك ما كنتش ناوي تطلقني.

برضه ما ردش.

— قوللي إنك مش عايزني أتحمل قرض بمليون ونص علشان تمشي وتسيبني!

قتها صرخ:

— أيوه! كنت ناوي أطلقك! ارتحتي؟!

الكلمة نزلت عليا كأنها س.كينة.

رغم إني كنت عارفة، سماعها منه وجعني.

لكنه كمل بمنتهى القسوة:

— إنتِ فاكرة إني هفضل طول عمري عايش معاكي؟! أنا محتاج ست تقدرني، مش واحدة كل شوية تحاسبني على الفلوس!

قلت بصوت مكسور:

— وأنا كنت إيه بالنسبة لك طول تلات سنين؟

رد من غير رحمة:

— كنتِ بتساعديني أبدأ حياتي، وخلاص!

وقتها حسيت إن آخر حاجة جوايا كانت متعلقة بيه انكسرت.

لكن اللي حصل بعد كده كان أغرب.

تليفونه رن.

كانت أمه.

رد قدامي وهو متعصب:

— أيوه يا أمي… عرفت كل حاجة!

وسكت يسمعها.

وبعدين قال:

— لأ، ما مضتش!

سمعت صوت حماتي العالي من السماعة:

— إزاي ما مضتش؟! لازم تمضي النهارده قبل ما البنك يوقف الإجراءات!

بصيتله وقلت:

— افتح السماعة الخارجية.

بصلي باستغراب.

قلت بصوت أعلى:

— افتحها، خليني أسمع!

فتحها وهو متردد.

قلت لحماتي:

— حضرتك كنتِ عارفة إنه ناوي يطلقني بعد ما أضمنله القرض؟

سكتت لحظة.

وبعدين قالت بمنتهى البرود:

— وإنتِ يعني كنتِ فاكرة إن ابني هيكتبلك نص أملاكه علشان بتدفعي شوية فواتير؟!

قلت:

— لأ، بس كنت فاكرة إن الجواز أمانة، مش خطة نصب على تعب واحدة.

ردت:

— اسمعي يا بنتي، إنتِ اللي دخلتي بيتنا بإرادتك، ومحدش ضربك على إيدك علشان تصرفي!

قلت:

— وعشان كده من النهارده مش هدفع جنيه تاني على بيت ابنك.

ضحكت باستهزاء.

— طب ورينا هتعملي إيه!

رديت:

— هتشوفوا.

وقفلت المكالمة.

الجزء الرابع: أول مرة أقول لأ
تاني يوم الصبح، صحيت بدري جدًا.

لميت أوراقي الشخصية، وشهاداتي، ودهبي، والحاجات المهمة اللي تخصني.

كلمت أهلي، وطلبت منهم أروح أقعد عندهم فترة.

ما حكيتش كل التفاصيل في التليفون.

لكن أمي أول ما سمعت صوتي قالت:

— مالك يا بنتي؟ صوتك مش عاجبني.

وقتها عيطت.

لأول مرة من ساعة ما اكتشفت الحقيقة، عيطت بجد.

قلت:

— أنا تعبت يا ماما.

ردت من غير ما تسأل:

— تعالي يا حبيبتي، بيتك مفتوحلك.

لما جوزي صحي ولقاني بجهز شنطتي، وقف عند الباب.

— رايحة فين؟

قلت:

— عند أهلي.

ضحك بسخرية.

— هتروحي تشتكي؟!

قلت:

— هروح أفكر في حياتي بعيد عن الإهانة والكذب.

قرب مني وقال:

— على فكرة، لو خرجتي من الباب ده، ما ترجعيش تاني.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى