منوعات

عمي جزار ٢

خرج عمي من الحمام ووشه أصفر زي الليمونة، ورجله مش شايلاه. كان بيرتعش بكامل جسمه، وعينيه رايحة جاية بيننا برعب كأنه شاف ملك الموت. ماما قومت تجري عليه وهي مرعوبة: “عبد الصمد! مالك يا خويا؟ في إيه؟ اسم الله عليك!” عمي ماردش عليها، كان باصصلي أنا بالذات بنظرة فيها غل ورعب ومش قادر يتنفس. خالي مسكه وقعده على الكرسي بالعافية، وقاله: “جرى إيه يا عبد الصمد؟ البنت كانت بتهزر معاك، إيه اللي جابلك الانهيار ده كله؟”

 

هنا عمي زق إيد خالي وصرخ وهو بيحاول يجمع أنفاسه: “انتوا مش فاهمين حاجة! اللحمة دي… اللحمة دي…” وسكت، ومقدرش يكمل الكلمة.

ماما اتخضت وقربت منه: “اللحمة دي مالها يا عبد الصمد؟ استهدى بالله كده وفهمنا!”

عمي حط إيده على وشه وبدأ يبكي بصوت مكتوم، شهقات حسرة ورعب هزت جسمه كله. وفي اللحظة دي، خالي بدأ يشك، ريحة السر الخفي بدأت تظهر في الجو. خالي مسك عمي من ياقة قميصه وقاله بصوت زي الرعد: “انطق يا عبد الصمد! اللحمة اللي بتأكلها لإخواتك ولعيال أخوك المرحوم دي لحمة إيه بالضبط؟!!”

تحت ضغط الشك والخوف، وصوت البكاء اللي مالي البيت، عمي وشه اتغير ونطق بالحقيقة اللي نزلت علينا زي الصاعقة:

“دي… دي لحم حراير.. لحم حمير ومواشي ميتة وجمال مريضة بكبيرها! لحم مفروم من أزرع ومخلفات المجازر اللي بتترمى في الزبالة! أنا بحط عليها مواد كيميائية ودم مجفف عشان يغير لونها وتبقى حمرا صافي، والطبخة مابتستويش لأن الانسجة بتاعتها ميتة ومتشبعة مواد حافظة!”

السكون حل في الاوضة، محدش كان قادر يستوعب. ماما وقعت في الأرض من الصدمة، وعمتي صرخت ولطمت على وشها.

عمي كمل وهو بينتحب: “أنا… أنا كنت بجمع المخلفات دي واللحم الفاسد اللي مبيتباعش ببلش، وأجيبهولكم عشان أوفر فلوسي ومأدفعش قرش صاغ من طائتي، وأبين قدامكم إني الكريم السند! أنا عمري ما ذقت منها حتة واحدة.. أنا عارف القرف والسم اللي فيها!”

خالي أول ما سمع الكلام ده، ما حسش بنفسه، هجم عليه بضرب متواصل، وعيال عمتي مسكوا عمي وطردوه بره البيت وهو بيصرخ ويبكي ويزحف على السلم زي الكلاب.

من اليوم ده، عمي عبد الصمد اختفى من المنطقة خالص، المحل بتاعه اتقفل والشمع الأحمر نزل عليه بعد ما خالي بلغ عنه التموين. وأما إحنا، ففضلنا شهور مش قادرين نبص لأي أكل، بس عرفنا إن “البقر الاسكتلندي” ما كان إلا قناع لآدمية ميتة، وأن ربنا كشف ستره في اللحظة اللي قرر فيها يذوق من نفس السم اللي كان بيطعمنا منه

طول 5 سنين.

“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى